Thursday, January 14, 2010

بالمصري...عشان المصري"دفا السبرتاية" قريبا




يمكن أصحابي الكتير اللي من مصر اتعودو مني اني بكلمهم مصري وأكتب مصري و أغني مصري لعمرو ..عشان معظم أصحابي المصرين ده اذا مكنش كلهم ...اتعرفت عليهم عن طريق موقع عالم عمرو دياب


مش ده موضوعي...المهم...وسط كل الناس اللي عرفتها... و في يوم من أيام الشتا من سنتين و شوية تقريبا مش فاكرة قد ايه بقا
...حد من أصحابي سمعني صوت ...صوت كده ابتدى يتكلم في وداني...صوت رجالي خشن و عالي و يدوشك
:p
استغربت صوته شوية في الاول... بس فضلت أسمع...كان عبارة عن برنامج على راديو... راديو اسمه شلتنا...واحد شاب و عمال يرغي في أي حاجة و بيقول أي كلام ...كان بالنسبالي العالم ده غريب كمستمعة لأول مرة..مش فاهمة حاجة و مش عارفة الولد ده بيتكلم منين و لا ازاي و كل الناس بتسمعه كده و بيقرا كلامهم و يقول رأيهم
كان ذلك الشاب ..هو احمد المصري...انسان تحس انه غريب...ميتحبش من أول مرة ...و ممكن جدا تسترخمه
و يوم ورا يوم...مش هغني أغنية سميرة طبعا....يوم ورا يوم و ليلة ورا ليلة..ابتدت الحكاية تعجبني..و بقيت مستمعة و معجبة بصوت الكائن اللي بيكلم نفسه ده ...
كان شخصية غريبة...انسان على طبيعته جداا...شخصية متقلبة...طيبة...شريرة احيانا...مفهتوش الا بعد فترة طويلة
فهمته و حبيته جدا جدا جدا ..انسان نظيف اوي اوي من جوة...نقي و مميز
ديما كان بيبهرني بأفكاره و موهبته الي أمنت بيها من اول يوم قريتله فيه مقال...كان مقالات من مجلة كلمتنا بيعملها سكان و يجيبها لأعضاء الموقع يقروها....كنت مبهورة انه ازي شاب في سنه و عنده الافكار دي كلها و جواه طاقة كبيرة كده وموهبة ملهاش حدود
كلامه دايما بيلمسني و يأثر فيا..و يخليني أدمع و طالما حاجة خلتني ادمع يبقى اكيد مش حاجة عادية
حكاياتك يا احمد يا مصري كانت بتخليني و انا بقرأ اتخيل تفاصيل الحكاية و أعيش معاها... جملة جملة و مشهد مشهد...أثرت فيا قصص حسيت انها شبهي..اني مريت بيها..و اترت فيا قصص برضه عمري ما عشتها..بس من صدقها و براعة أسلوبك صدقتها و حسيتها اوي
النهاردة و انا شايفة دفا السبرتاية ابتدى يشوف النور ...حسيت بفرحة بجد مش عارفة اوصفها....عارف لما الام تشوف احلام ابنها بتتحقق..مش عارفة ليه حسيت كده....حسيت ان الحلم ده هيغير فيك كتير و هيدي لحياتك معنى تاني و طعم غير...و هيفرح كل الناس اللي بتحبك و مؤمنة بموهبتك ...انما بجد فخورة بيك....و فرحنالك من كل قلبي...و مستنية أقرأ الكتاب و متوقعاله نجاح كبير...عشان انت بتكتب من القلب للقلب...مصري...ربنا يوفقك و يحققلك أحلامك كمان و كمان و يكتبلك الخير في كل خطوة هتخطيها في حياتك
بحبك أوي♥
مامتك الصغيرة...إيمي

No comments:

Post a Comment