بطمن عليك من غير ما حد في الدنيا دي يعرف...عارفة انك كويس..متابعة خطواتك و مطمنة عليك..بدعيلك ديما ربنا يوفقك و متاكدة ان اللي حواليك هياخدو بالهم منك اكتر مني...مبسوطة و فرحانة عشان انت فكرني لسه..و هفضل ديما أقول.."أصل حكايتي معاها حكاية حب كبير"
كانت حكايتنا جميلة..كبيرة و حقيقية.شفت فيك الدنيا و ما فيها..حلمت معاك كل أحلامي كل ثانية في حياتي كنت انت فيها... كل لحظة كنت هعيشها عاملة حسابك فيها بس فجأة مشيت و لقتني لوحدي في عالم كبير غريب كئيب معرفوش...كل اللي اتعلمته من الدنيا كان منك...
و حتى و انا شابفة احلامي بتتحقق مع غيري مبسوطة...يمكن عشان حبيتك اكتر مني..شايفة ان من حقك تعيش احلامي مع غيري..بطلت الومك عشان سعادتك هي سعادتي و جايز في يوم احبها عشان انت بتحبها
و لاننا كنا واحد و كنتلي ديما الابن قبل الحبيب ..و عشان حبك كان الاكبر ... نفسي احضر فرحك و اشوفك احلى عريس في الدنيا..و اطمن على الفرحة في عيونك انت و هي ..و امشي و اقضي الباقي من عمري مطمنة و متاكدة انها هتصونك و تحبك زي ما حبيتك انا و اكتر..
هموت مطمنة اني وصلتك لبر الامان...هتبتدي حياتك و تجيب عيال..و هتسمي واحدة على اسمي زي ما وعدتنني
حبيتك اوي..عشان كنت اجمل راجل في الدنيا..عشان في عيوني انا كنت الاعظم ..عشان من اول ما شفتك حسيت اني منك ..عشان في حياتي دي مكنش في احلى من حبك
سألت نفسي كتير عن أصل حكاية حبي ليها...اتأكدت النهاردة ان حبي ليك هو
اللي كبر حبها في قلبي...كنت ليا الحياة بكل معانيها...علمتني أتمسك بيها و
احبها و انت فيها او حتى مش فيها...وعدتك و هفضل على وعدي طول
الحياة....هعيش و أضحك و أحب ..احبك و احب كل حاجة حوليا هغني و أرقص و أسافر و أصور و أفضل فيها لحد آخر نفس
حقيقي مطمنة.. و اهه عشتها لاخر نفس
I trust that there is a reason. Cause if there is a reason for love, there is a reason for life beyond it.. I believe the reason that you and me were brought together was because we complete one another. We fill in each other's missing spots with love. And if someday God decides to tear us When all is said and done, you are part of me... That's the way it was meant to be... People are brought together for a reason,
Emy : 21/04/2011
Dunno Why I Love To Write Bel Egyptian :p
