بجد مش عارفة أبتدي كلامي ازاي و لا بإيه...بس الكتاب ده صحى فيا مشاعر جميلة أوي اوي اوي...حاسة اني قرايتي ليه فرقت في حياتي...كان هيفوتني كتير لو كنت اتأخرت اكتر من كده و مقرتوش
حاولت أستوعب اللي قريته و اللي حسيته و ان بقٍرأ كل سطر من كل قصة و انا بتخيل كل مشهد و بكل كلمة اتقالت فيه...
كنت بقرأ قصة و أقول بكرة اكمل ...محسش بنفسي غير و انا بجري على اللي بعدها و اكملها
بجد كتاب ممتع ....بياخدك لدنيا نقيه دنيا كلها مشاعر حقيقية و نظيفة
كل قصة فيه هتحس انها شبهك...مش الشبه في الحكاية...شبه روحك شبه مشاعرك...و لو مش شبهك هتتمنى انك تعيش الاحاسيس دي...تتحب زي ما ملك اتحبت..بكل تفاصيلها...أجمل حاجة لما حب يكبر جواك يوم بعد يوم و يزيد قوة في كل مراحل عمرك...ده اللي خلى القصة مؤلمة بجد مفيش كلام ممكن يوصف ألم انك تفقد أغلى انسان في حياتك...في اخر القصة لقيت نفسي بعيط بحرقة و كاني البنت اللي القصة كانت بتتحكيلها في التليفون...احساس غرييب بجد ...مش عارفة ليه القصة دي بالذات اكتر واحدة سابت حزن كبيير جوايا
دهبت مع الريح..."gone with wind"..by the way i love this film
شوف القدر اللي يخلي هنا مريضه تعيش و يوسف هو اللي يموت
غريبة يا دنيا بجد
انا حسيت بكل التفاصيل في كل قصة... دمعت و عيطت و ضحكت مشاعر مختلفة متناقضه تحسها و انت بتطير من صفحة للتانية...قصة اولها تعيش معاه احلى مشاعر و تنتهي بكم رهيب من الحزن
مشاعر انسانية صعب يستحملها البشر سواء الالم و الحزن الكتيير او السعادة المفرطة
حتى اللي مجربش احساس انه يفقد أمه هيحس بالالم ده في قصة عندما رحلت امي
قد ايه الام بتمثل الحياة نفسها لاولدها و رحيلها بيمثل الموت ليهم
Relationship status: single...
وقفت كتير عند القصة دي ...مش عشان سبب معين...بس عشان حسيت باللي رنا حست بيه من إهمال في اخر الحكاية...بجد الاهمال بيقتل الحب و انا جربت ده شخصيا عشان كده حسيتها أوي...محدش هيفهمني غير اللي بجد جرب ده و حس ان أكتر بني ادم في الدنيا بيحبة بيهمله و بيقل حبه ليه يوم عن يوم و النهاية الوحيدة هي الفراق...مستحيل يبقى فيه نهاية تاني للإهمال غير دي
فقدان ام ...فقدان حبيبة...فراق... قسوة اهل ..هجر ...حزن ...ألم
حب ...عشق...سعادة.. صداقة ...دفا
انا بجد مش لاقية كلام ...بس محتاجة اقرأ الكتاب اكتر من مرة
دفا السبرتاية غير حاجة في حياتي يا احمد...حسيت بالدفا بجد و انا بقراه
مش اي حد بجد ممكن يأثر في حياتي
بعترف النهاردة انك واحد من الناس اللي لمسو قلبي و خلوني لما قريت الكتاب و عشت مع كل قصة و حسيتها اوي ...هانت عليا بلوتي
زي ما بيقول المثل..اللي يشوف بلاوي الناس تهون عليه بلوته
حسيت قد ايه حزني على نفسي صغير قصاد حزن أبطال قصصك
خليتني أعيد التفكير و اعيد حساباتي و اتفاءل في نفس الوقت ...
الدفا اللي حسيته في دفا السبرتاية مش ممكن الاقيه في مكان تاني....انا و قعت في حب كتابك قبل ما أقراه
و زاد حبي ليه بعد ما قريته
و بحبك انت اوي...عشان بجد من انظف البني أدميين اللي عرفتهم في حياتي
ربنا يوفقك يا رب ديما و يحققلك كل حاجة حلوة نفسك فيها
مدام إسعاد....نفسي أقولها كلمة و يا ريت توصلهالها.
انسانة في جمالك و حنيتك دي مش كتير في الدنيا...إيمانك بأحمد و حبك ليه خلاه يشوف الدنيا بطعم تاني..الولد ده يستاهل انك فعلا تحجزي التقديمة في كتابه الجاي
مواقفك دي بتثبتلي يوم بعد يوم قد ايه انتي فنانة عظيمة و انسانة راقية
بحبك♥
أحمد..انا فرحانة جدا بنجاحك و فخورة بيك جدا و بكل اللي وصلتله..و كل ما اقرا الكتاب تاني أحبه اكتر انا قريته 5 مرات لحد دلوقتي..و كل ما بحس ان الدنيا دي مقفلة ابوابها في وشي بجري عليه و أقعد اقراه
ربنا يوفقك يا حبيبي و يحققلك كل اللي نفسك فيه
